Conclave: tanda ng pagtutulungan ng mga Kardinal sa Simbahan at Santo Papa - Tagle


Mayo 9, 2025, Roma - Sa Press Conference na inorganisa ng Pontificio Collegio Filippino, ang tatlong Pilipinong Kardinal ay nagpahayag ng kanilang saloobin ukol sa naganap na conclave at sa bagong halal na Santo Papa Leon XIV. 

Ayon kay Cardinal Luis Antonio Tagle, ang conclave ay nag-iwan ng magandang mensahe ng pagtutulungan at suporta ng mga Kardinal sa Santo Papa saan mang dako ng mundo, "Kung magdasal tayo, huwag nating iwang mag-isa ang Santo Papa. Habang naririnig namin ang mga situwasyon ng mga bansa, natatanong namin, 'Paano kaya kami makatutulong sa ibang mga bansa?" Kailangan ang pagtutulungan habang nakikita rin ng Santo Papa ang situwasyon ng buong daigdig.

Dagdag ni Cardinal Jose Advincula: "Isa sa mga pinaka-nakaaantig na karanasan ay noong may ilang kardinal na, bago pa man ihayag kung sino ang magiging Santo Papa, ay alam na sa kanilang puso kung sino ang pinili ng Espiritu Santo. Ang sabi nila, ‘Sino ka man, ipinapangako ko na ang aking suporta at katapatan ay sa iyo na.’ Kahit wala pang mukha, ramdam na ang pagkakaisa at pananagutan—na ang magiging Santo Papa ay hindi mag-iisa sa kanyang misyon, kundi dadalhin ito ng buong Simbahan."

Ayon kay Cardinal Pablo David, personal niyang sinabi sa bagong Santo Papa: “Sana po ay makadalaw kayo sa Pilipinas.” Tugon ng Santo Papa: “Kung loloobin ng Diyos.”

Tungkol naman sa mga programang sinimulan ni Pope Francis, tiniyak ni Cardinal Tagle na ipagpapatuloy ito ni Pope Leo XIV. “Hindi siya clone, pero hindi rin tatalikod sa malasakit para sa mahihirap, migrante, at kalikasan,” aniya.

Ayon din kay Cardinal David, mahalaga para kay Pope Leo ang pagkakaisa at kapayapaan. “Hindi lang siya lider espiritwal—isa rin siyang tulay ng pagkakasundo,” dagdag niya.

Sa isyu ng social media at teknolohiya, ibinunyag ni Cardinal Tagle na kahit malaki ang maitutulong ng teknolohiya sa misyon ng pagpapalaganap ng Mabuting Balita, may pangamba rin gamitin ang kanyang boses at mukha sa mga pekeng produkto online. “Nakakapagod at nakakasama ng loob, pero Diyos ang huhusga,” aniya.

Ang solemneng inagurasyon ni Pope Leo XIV ay nakatakda sa May 18, 2025, alas-diyes ng umaga sa Vatican./ Fr. Lito Jopson, Catholic TV News flash. 



Comments

Post a Comment

Popular posts from this blog

Cardinal Re, nanawagan sa panalangin, pagkakaisa, at isang Santo Papa "ayon sa puso ng Diyos" sa pagsisimula ng Conclave

Image
LUNGSOD NG VATICANO — Mayo 7, 2025 Ilang oras bago pumasok ang mga Kardinal sa Sistine Chapel upang pumili ng kahalili ni Papa Francisco, nagbigay ng makapangyarihang homiliya si Cardinal Giovanni Battista Re, Dekano ng Kolehiyo ng mga Kardinal, sa Misa ng “Pro Eligendo Romano Pontifice” sa Basilika ni San Pedro. Bagamat 91 taong gulang at hindi na maaaring bumoto, si Cardinal Re ang nagsilbing espirituwal na gabay sa mahalagang sandaling ito sa kasaysayan ng Simbahan. Hinimok niya ang mga kapwa kardinal na isantabi ang pansariling interes at taimtim na manalangin para sa paggabay ng Espiritu Santo. “Narito tayo upang hilingin ang kanyang liwanag at lakas,” aniya, “upang ang mapipiling Papa ay siyang kailangan ng Simbahan at ng sangkatauhan sa panahong ito ng matinding pagsubok at pagbabago.” Binigyang-diin niya ang utos ni Hesus na “mag-ibigan kayo gaya ng pag-ibig ko sa inyo,” at nanawagan para sa isang Santo Papa na may kakayahang pag-isahin ang Simbahan sa diwa ng komunyon, kab...
Read more

Sino si Leo XIV?

Image
Mayo 9, 2025, Lungsod ng Vaticano - Isang makasaysayang yugto ang muling itinakda ng Simbahang Katolika — si Cardinal Robert Francis Prevost mula Chicago, Estados Unidos, ay pormal nang naging Pope Leo XIV, ang ika-267 na Santo Papa ng Roma at kauna-unahang Augustinian Pope sa kasaysayan. Isinilang noong Setyembre 14, 1955, si Prevost ay naglingkod bilang misyonero sa Peru nang halos dalawang dekada bago pinamunuan ang buong Augustinian Order ng dalawang termino. Siya rin ay naging Obispo ng Chiclayo, Peru, at Prefect ng Dicastery for Bishops bago hiranging Kardinal ng yumaong Papa Francisco noong 2024. Bilang Santo Papa, dala niya ang karanasan bilang tagapagtaguyod ng kultura, edukasyon, at mga simbahan sa Latin America. Ang kanyang episcopal motto ay “In Illo uno unum” — tayo ay nagkakaisa kay Kristo. Ito si Pope Leo XIV — isang pastol na handang maglingkod, magtayo ng tulay ng pagkakaisa, at manguna sa bagong kabanata ng Simbahang Katolika./Fr. Lito Jopson, Catholic Newsflash
Read more

2nd voting: still no Pope

Image
May 8, 2025, Day 2: After the first vote, the smoke that emitted from the chimney of the Sistine Chapel was black. The schedule for the next votes today is as follows: 12:00 noon (delayed), 5:30 p.m., and 7:00 p.m. or 6:00 p.m. (delayed), 11:30 p.m., and 1:00 a.m. Philippine time, respectively.  
Read more