Papa Leon XIV, nanawagan na magkaisa, manampalatayang may kagalakan, at maging saski ni Kristo sa unang Missa Pro Ecclesia


Mayo 9, 2025, Lungsod ng Vaticano - Sa kanyang unang homiliya bilang bagong Santo Papa, nanawagan si Papa Leon XIV sa Simbahang Katolika na magkaisa, manampalataya nang may kagalakan, at maging matapang na saksi ni Kristo sa makabagong mundo.

Ito ay sa Missa Pro Ecclesia na ginanap ngayong umaga sa Sistine Chapel, kasama ang mga Kardinal na bumoto sa kanya bilang ika-267 Santo Papa. Sa panimulang salita sa Ingles, ipinahayag niya ang pasasalamat: “I will sing a new song to the Lord, because He has done marvels,” at inanyayahan ang lahat na kilalanin ang kabutihan ng Diyos.

Sa kanyang homiliya sa wikang Italyano, binigyang-diin niya ang sinabi ni San Pedro: “Ikaw ang Kristo, ang Anak ng Diyos na buhay,” bilang pundasyon ng pananampalatayang Kristiyano. Babala niya, sa kasalukuyang panahon, maraming tao ang tumatanggap kay Hesus bilang isang mabuting tao lang—isang “superman”—ngunit hindi tunay na Diyos. Ani Papa Leon, maging sa mga binyagan, umiiral ang tinatawag niyang “praktikal na ateismo.”

Ipinaalala rin niya ang dalawang karaniwang tugon ng mundo kay Hesus: pagtanggi ng mga makapangyarihan, at pansamantalang paghanga ng mga tao na nawawala rin sa oras ng pagsubok. Ang ganitong kalagayan, aniya, ay hindi nalalayo sa nangyayari ngayon—kung kailan mas pinipili ang pera, teknolohiya, kapangyarihan, at kasiyahan kaysa pananampalataya.

Hamon ng Santo Papa: mas lalong kailangang maglingkod at magmisyon ang simbahan sa ganitong mga lugar. “Ito ang mundong ipinagkatiwala sa atin,” wika niya. Tinapos niya ang homiliya sa panalangin na siya’y bigyan ng Diyos ng grasya na maglingkod nang may kababaang-loob at itaas si Kristo higit sa lahat./ Fr. Lito Jopson, Catholic News flash

Comments

Post a Comment

Popular posts from this blog

Cardinal Re, nanawagan sa panalangin, pagkakaisa, at isang Santo Papa "ayon sa puso ng Diyos" sa pagsisimula ng Conclave

Image
LUNGSOD NG VATICANO — Mayo 7, 2025 Ilang oras bago pumasok ang mga Kardinal sa Sistine Chapel upang pumili ng kahalili ni Papa Francisco, nagbigay ng makapangyarihang homiliya si Cardinal Giovanni Battista Re, Dekano ng Kolehiyo ng mga Kardinal, sa Misa ng “Pro Eligendo Romano Pontifice” sa Basilika ni San Pedro. Bagamat 91 taong gulang at hindi na maaaring bumoto, si Cardinal Re ang nagsilbing espirituwal na gabay sa mahalagang sandaling ito sa kasaysayan ng Simbahan. Hinimok niya ang mga kapwa kardinal na isantabi ang pansariling interes at taimtim na manalangin para sa paggabay ng Espiritu Santo. “Narito tayo upang hilingin ang kanyang liwanag at lakas,” aniya, “upang ang mapipiling Papa ay siyang kailangan ng Simbahan at ng sangkatauhan sa panahong ito ng matinding pagsubok at pagbabago.” Binigyang-diin niya ang utos ni Hesus na “mag-ibigan kayo gaya ng pag-ibig ko sa inyo,” at nanawagan para sa isang Santo Papa na may kakayahang pag-isahin ang Simbahan sa diwa ng komunyon, kab...
Read more

Sino si Leo XIV?

Image
Mayo 9, 2025, Lungsod ng Vaticano - Isang makasaysayang yugto ang muling itinakda ng Simbahang Katolika — si Cardinal Robert Francis Prevost mula Chicago, Estados Unidos, ay pormal nang naging Pope Leo XIV, ang ika-267 na Santo Papa ng Roma at kauna-unahang Augustinian Pope sa kasaysayan. Isinilang noong Setyembre 14, 1955, si Prevost ay naglingkod bilang misyonero sa Peru nang halos dalawang dekada bago pinamunuan ang buong Augustinian Order ng dalawang termino. Siya rin ay naging Obispo ng Chiclayo, Peru, at Prefect ng Dicastery for Bishops bago hiranging Kardinal ng yumaong Papa Francisco noong 2024. Bilang Santo Papa, dala niya ang karanasan bilang tagapagtaguyod ng kultura, edukasyon, at mga simbahan sa Latin America. Ang kanyang episcopal motto ay “In Illo uno unum” — tayo ay nagkakaisa kay Kristo. Ito si Pope Leo XIV — isang pastol na handang maglingkod, magtayo ng tulay ng pagkakaisa, at manguna sa bagong kabanata ng Simbahang Katolika./Fr. Lito Jopson, Catholic Newsflash
Read more

2nd voting: still no Pope

Image
May 8, 2025, Day 2: After the first vote, the smoke that emitted from the chimney of the Sistine Chapel was black. The schedule for the next votes today is as follows: 12:00 noon (delayed), 5:30 p.m., and 7:00 p.m. or 6:00 p.m. (delayed), 11:30 p.m., and 1:00 a.m. Philippine time, respectively.  
Read more